ايهما اشعر ... هشام الجخ ام شاعر الاخوان المسلمين حسام خميس


May 15 2013 22:53


عرب تايمز - خاص

اندلعت في مصر منازلة شعرية بين احد اشهر شعراء العامية في مصر ( هشام الجخ ) وشاعر الاخوان المسلمين ( حسام خميس ) بدأت بالردح على الطريقة المصرية مع فرد الملاية دون اسفاف في اللفظ ... بدأ المنازلة الشاعر هشام الجخ الذي القى قصيدة بعنوان ( انا اخوان ) في مكتبة الاسكندرية اثارت ضجة كبرى وانتشرت حولها اشاعات كثيرة منها القول ان النائب العام  امر بالقاء القبض على الشاعر الجخ  وهو ما نفاه مكتب النائب العام لاحقا

وبعد ساعات القى شاعر الاخوان ( حسام خميس )  قصيدة بالعامية ايضا رد فيها على هشام الجخ وعدد ماثر الاخوان المسلمين ومنها انهم استشهدوا دفاعا عن القدس وهي حقيقة تاريخية مزورة لان الاخوان لم يشتركوا في حرب فلسطين لانهم كانوا من حلفاء الانجليز ... كما انهم شمتوا بعبد الناصر بعد العدوان الثلاثي على مصر ... وشمتوا به ايضا بعد هزيمة حزيران يونيو التي لم يشتركوا فيها ايضا

وفيما يلي قصيدة الجخ ... والرد عليها

أنا إخوان وكل المسلمين إخوان
فما تصنفش إسلامى على كيفك
حقيقتى أقوى من زيفك
يا خوف يا جبان أنا إخوان
بطيع الله فى ملكوته
وبدعى يزيدنى من فضله ومن قوته
وأصلى وأصوم
وأجاهد نفسى وأصبر عالبلا وأحمد وحمدى يدوم
لأنه الرازق الوهاب وهو مسبب الأسباب
فله الفضل والمنة وليه الطاعة
فماتبصش لدينى نظرة طماعة
أنا دينى لا هو سلعة ولا بضاعة
ولا ليه سوق
لا أنا بايع ولا شارى
إيمانى هو راسمالى
فاصحى وفوق
مانيش إخوان على نهجك
فلم من الدروب همجك
كفاية شقوق

مش أنت لوحدك الإخوان
أنا إخوان بحق الله وبالسنة وبالقرآن
وقت الجد أنا عثمان
وقت الحرب أنا حمزة
ووقت الفصل ببقى فاروق

أنا إخوان على الرحمة وعلى التقوى وحب الناس
لكن عمرى ماهتأخون بأخونتك على الصندوق

اما قصيدة الشاعر الاخونجي حسام خميس فيقول فيها

أنا إخوان..
وكل المسلمين إخوان مقلتش لأ
ومين يقدر يقول على مسلم إنه انشق
ومين يقدر يقول الكل على باطل وهو الحق

أنا إخوان ومن صغري وانا إخوان
وطول عمري..رضعت العز من بدري بإيد إخوان
وشايل راسي على كفي عشان ربي, ومش بتهان
لا عمري كنت أنا خاين ولا بايع ولا مجرم ولا سجان

أنا إخوان وطول عمري ف وقت الخوف أنا الربان
وبعد ما اعدي بحر الصعب أنا بتهان
وأفضل برضه أنا ساكت ومش غلطان
فميجيش جخ ويقوللي ده إنت جبان

أنا اللي حاربت في فلسطين
وسال دمي بقالو سنين
وجف الدمع ع الأقصى
وأنا دموعي ليوم الدين
وشقوا صدري بسهامهم
عشان إخوان

برغم الضلمة والعتمة وقفت أثور
وكنتوا تقولوا إخوانجي وعايش الدور
وفاكر إنه هيصلح وطن مكسور
ومسمعتش ف يوم ليكم, فضلت جسور
عشان إخوان
أنا إخوان ولا ف عمري في يوم وطيت
ولا أكل الرغيف خلاني جنب الحيط
ولا كان ليا في الصفقات ولا التزييط
وعشت حياتي وشعاري
أنا إخوان
هتشتم يا هشام اشتم ولا بيهم
وتنطح صخرنا براسك وتنزف دم
ولا هيهزنا شتايمك ولا يغيرنا يوم الذم
ولا هنهتم
مكنتش أحب إني أجاريك ف تخاريفك
ولا إني أسلم يوم بتصنيفك
ده مصري بشرطة وده مصري بدون شرطة
وده يا جخ توصيفك..مش الإخوان

ولسه برضه ممدوده إيدينا إليك
ففوق واصحى يا ولد العم مد إيديك
عشان نبني وطنا بجد مش تلبيك
وإياك تفتكرني عدو...ده أنا إخوان













Home Page
كتب ممنوعة
اراء حرة
صورة وتعليق
اخبار طازة
برقيات عاجلة
شروط النشر
فضائح وفضائح
خبر وتعليق
سري جدا
لصوص ظرفاء
رسائل القراء
من ارشيفنا
هذا الرجل
هذه المرأة
كتاب البورتل
كاتب وكتاب
قصائد ممنوعة
 مقالات  مميزة
كتب للبيع
ارشيف الاخبار
قصائد المقدسي
صحف عربية
الافتتاحيات
مقالات ساخنة
صبرا وشاتيلا
أسامة فوزي
ملفات الفساد
 مقالات الاولى
الكتب السعودية