احمد عفيفي يكتب : ابو اسلام .. نموذج عفن لواحد بدقن


February 06 2013 12:00

هاجم الصحفي المصري المعروف احمد عفيفي المقيم في الكويت الداعية المصري ابو اسلام ووصفه بالعفن ... وقال في مقال له في موقع الدستور الاصلي :مش هو لوحده .. كتير زيه وأزفت منه .. منهم مثلا سي الافندي اللي اسمه وجدي غنيم اللي مش عارف متنيل على عينه وقاعد فين وكل شوية يطلع يقول كلمتين معفنين زيّه ويقل أدبه على الخلق اللي جزمتهم برقبته ويختم دايما بأية قرآنية .. مع ان ما سبقها من وساخات وعهر يُلزمه إلزاما بأن يختم - حتى يكون هناك اتساق في مجمل كلامه - وهو يرتدي بدلة رقص زي دينا ، ويلبس باروكة صفرا ويميل ويتلوى زي النسوان مع الرجالة على السرير

أبو إسلام برضه نموذج عفن جدا لواحد بدقن .. لو أنني كافر ودعاني رجل إلى الإسلام فرأيت وسمعت هذا المسمى بـ " أبو اسلام " لبقيت على كفري وإلحادي ، ان كان هذا الشيء المقزز اللي دقنه نازلة لحد " سرته " هو من يمثل الإسلام الذي يدعونني لاعتناقه.وبعيدا عن المشاهير الذين يملأون الفضائيات صخبا وهرتلة ونجاسة من أمثال أبو اسلام ووجدي غنيم وعبد الله بدر وخالد عبد الله وغيرهم كتير.. فهناك نماذج صادفتها وأصادفها هنا في الكويت " مصريين طبعا " يقولون عن أنفسهم أنهم إخوان او سلفيين .. السلفي منهم مربي دقنه ، والإخواني منهم مش مربيها ، لكنه مربي عقله على ان لا يشغله أبدا بالسؤال ، يشوف الحقيقة واضحة وضوح الشمس وينكرها او يلف ويدور حولها .. وعموما الاثنين سلفي وإخواني - مع إقراري بأن في الجانبين قلة قليلة محترمة - مطبوع على وجوههم الغباء الشديد الذي يصل إلى درجة التخلف العقلي .. والغريب انهم خريجين جامعة

واحد مثلا من أصحاب الدقون الطويلة توهمت مرة انه يفهم في الدين فسألته مسألة يفيدني فيها ، فقال كلاما لا يلخص إلا جهله بأقل المعلومات عن هذا الدين .. وناس تانية برضه دقونهم ممكن " يضفروها " زي الحريم مابيضفروا شعرهم ، يفتقدوا للحس الذوقي واللياقة في التعامل مع الأشياء .. فلو مثلا دعانا صديق للغذاء فتجد الأكثر نهما و" حمورية " في محاولة استحواذه على الصحن واللحمة هو الراجل ابو دقن .. بدرجة تجعلك تخجل انه مصري.. واذا كانت هناك حفلة مثلا وفيها تورتات وجاتوهات وحاجات حلوة كتير ، لايخجل ابو دقن من ان يلم في كيس ما تبقى على السفرة ليُكمل التهامها في البيت .. ولا يهمه نظرات البعض - اللي مش مصريين والمصريين برضه - المغلفة بالاحتقار

ناهيك عن الألفاظ الخارجة جدا التي يمكن ان تسمعها منهم اذا تناقشت مثلا مع احدهم في راى لمفكر حر لا يعجبه مرسي ونظامه فيعلق مثلا بـ " ... " امه! .. لحظتها اشعر برغبة عارمة في البحث عن موس حامي لأقوم بنفسي واحلق له دقنه التي رباها جهلا وغباء ، وكان الأولى به ان يربي نفسه وينمي عقله على التحضر في النقاش والارتقاء بالفكر في حال اختلاف وجهات النظر

نموذج أخر يرتدي بنطالا قصيرا ويطلق لحيته بغير تهذيب ، ولن اذكر اسمه كي لا ينال شرف ذكر اسمه في مقال لي .. ألقى في وجهي دون حياء كلمة بذيئة وهو يعرف يقينا موقفي من مرسي وحكم الإخوان، محاولا إيهام نفسه بأنه يسخر مني.. فنظرت إليه نظرة فيها من التدني ما يوجب عليه بعدها - ان كان عنده دم - ان يعد بنفسه مشنقة ليعلق فيها رقبته

أعود لابو اسلام الذي أذاعت له أمس ريهام السهلي فيديو وبعده عاتبت المخرج ان وضع قبل اسمه على الشاشة لقب " الشيخ " .. وعندها حق ، فقد قال هذا الذي يدّعي انه رجل ، والرجولة تخجل من ان ينتمي مثله اليها ، ان الإعلاميين زبالة وعايزين جنازة ويشبعوا فيها لطم ، مستنكرا ما حدث من ردة فعل بعد سحل حمادة صابر الذي قال عنه هذا البتاع ابو دقن : انه بلطجي ومجرم وكان مش يستحق السحل بس ، ولكن أيضا الضرب بالجزمة القديمة .. زعلانين اوى يا بتوع الفضائيات يا زبالة على العربجي عامل المحارة انه اتسحل واتعرى ملط زي امه ماولدته .. ده كان لازم يقتلوه ويفرموه ويعملوه كفتة كمان .. عايزين مرسي يتأسف ليكم يا غجر عشان واحد عامل محارة ، مش لاقي ياكل ، اتسحل .. ده انتوا بتحلموا .. يازبالة يا ولاد الكلب.. انتوا بني ادمين انتوا .. عساكر وضباط الأمن المركزي بقالهم تلات ايام مانموش من وساختكم ياللي عايزين تقتحموا قصر الاتحادية .. يا زبالة يا رمم يا سفلة يا كلاب .. كان ناقص يقول .. ياولاد المرة الوسخة

طبعا لو اقسمت بايمانات المسلمين لواحد ان الكلام الوسخ ده خرج من راجل بدقن ، وعامل نفسه مسلم مش حيصدق .. ومش حيقول انك بس بتبالغ .. لأ ده حيقول انك كذاب في أصل وشك .. مش ممكن بني أدم مسلم او مسيحي او حتى كافر يشتم الشتيمة دي وعلى الهواء مباشرة ويسخر بكل هذا العهر من عامل المحارة اللي اتسحل ولم يتحرك فيه ساكن كإنسان ان راجل زيّه مصري ظهرت عورته أمام العالم اللي ح " يتف " علينا - وعنده حق - لو مجبناش حقه

الله يخرب بيوتكم والبيوت اللي جنب بيوتكم ياللي مربين دقونكم وانتوا مش عارفين مربينها ليه من الأساس .. يارب يخرسكم ويقطع لسانكم النجس لمّا تقولوا على ناس أشرف من اللي خلفوكم زبالة .. اخص عليك وعلى اللي ربى لك دقنك اللي ان شاء الله حتتنتف لك شعرة شعرة يوم القيامة .. يا راجل يا خسيس ياللي الشرطة لو سحلتك وقلعتك لامؤاخذة " لباسك " حتأدي ليها التحية وتضرب لها تعظيم سلام .. كله فدى مرسي والاخوان .. يا ناقص ياللي معندكش ريحة الدم













Home Page
كتب ممنوعة
اراء حرة
صورة وتعليق
اخبار طازة
برقيات عاجلة
شروط النشر
فضائح وفضائح
خبر وتعليق
سري جدا
لصوص ظرفاء
رسائل القراء
من ارشيفنا
هذا الرجل
هذه المرأة
كتاب البورتل
كاتب وكتاب
قصائد ممنوعة
 مقالات  مميزة
كتب للبيع
ارشيف الاخبار
قصائد المقدسي
صحف عربية
الافتتاحيات
مقالات ساخنة
صبرا وشاتيلا
أسامة فوزي
ملفات الفساد
 مقالات الاولى
الكتب السعودية