نوارة نجم تدعو مرسي الى التوقف عن اداء الصلاة حتى لا يكفر الشعب ... وحزب النور السلفي يقارن بين موكب مرسي وموكب الرسول


November 14 2012 09:59

عرب تايمز خاص

انتقد حزب النور السلفي موكب الدكتور محمد مرسي، رئيس الجمهورية، أثناء افتتاحه أحد المصانع بالإسكندرية، واصفاً إياه بأنه أكبر من موكب الرسول وهو يفتح مكة.وقال الدكتور يسري حماد، المتحدث باسم الحزب، موجهاً حديثه إلى مرسي: "هالني بشدة موكب البذخ الذي شاهده الجميع في زيارة سيادتكم ميناء الدخيلة بالإسكندرية"، وأضاف حماد على صفحته على "فيسبوك" أن موكب مرسي يتعارض تماماً مع الصورة الذهنية التي عرفناها عن موكب الرسول (صلى الله عليه وسلم)، وهو يفتح مكة، وما كان عليه من التواضع الجمّ والتذلل الواضح لرب العباد، دون موكب مهيب
 
وتابع حماد قائلاً: "بايعناك يا دكتور على التضحية والتواضع وألا تخشى أحداً إلا الله، وما يحدث الآن يذكرنا بنظام الرئيس السابق حسني مبارك"، وقال المتحدث باسم حزب النور أيضاً إن "موكب مرسي مليء بالبذخ مثلما كان يحدث مع مبارك، من منع المواطنين من دخول الميناء يوم الزيارة".ومن جهته، قال محمود عامر، القيادي السلفي، رئيس جمعية أنصار السنة بدمنهور: "لا يوجد أي إنجاز حققه (مرسي) منذ توليه رئاسة الدولة، ولا أشاهد حتى الآن إلا الكوارث والأزمات منذ اليمين الدستورية". وفي المقابل، اعتبر الدكتور ياسر علي، المتحدث باسم الرئاسة، أن وسائل الإعلام تبالغ في الحديث حول القوات المخصصة لتأمين تحركات الرئيس خارج القاهرة، واصفاً ما ينشر حول الأرقام والمبالغ المنفقة لتأمين مرسي، بأنه عارٍ تماماً من الصحة
 

بدورها طالبت نوارة نجم الرئيس مرسي بالتوقف عن اداء الصلاة في الاماكن العامة ( حتى لا تكفر الشعب ) وقالت ان المصريات بدأن يخلعن الحجاب نكاية بجماعة الاخوان .. واضافت :يا اخ يا رئيس يا مؤمن.. لو حتخرج تصلي كده يبقى صلي في بيتكوا وثوابك حيبقى اكبر ان شاء الله وفي رقبتي انا شخصيا.. يوم القيامة حاقول انا اللي شورت عليه الشورة دي.. فليسعك بيتك مدام كل ما حتخرج حتعمل لنا دبكة وعطلة وترهبنا بالامن المركزي كأنك نازل تحرر فلسطين واحنا الاسرائيليين صلي في البيت صلي في البيت صلي في البيت وفي رقبتي انا قدام ربنا

ولا حتى ما تصليش خالص
واضافت نوارة :حتعمل ايه بالصلاة لما اسعاف تتعطل ويموت فيها مريض زي ما حصل ما مبارك قبل كده؟ حتعمل ايه بالصلاة لما تلقي الرعب في قلوب المصلين بجيش الامن المركزي اللي انت نازل بيه ده؟ انت ما تعرفش ان شكلهم لوحده ممكن يروع الناس ومن روع مؤمنا روعه الله يوم القيامة
حتعمل ايه بالصلاة لما انت تنزل تصلي بالهلولة دي وعشان حضرتك بتصلي واحد تاني مواطن مسكين، مالوش الا ربنا فعلا، لا له جماعة ولا رئاسة ولا امن مركزي، ونازل يصلي عشان عايز يقابل ربنا فعلا مش عايز يستعرض قدامنا انه بيصلي، تروح عليه الصلاة في الجامع ويضطر يصليها في بيتهم ولا في الطريق ولا ما يعرفش يروح ولا يرجع وتروح عليه خالص
وقالت :يا عم اعمل جامع في جنينة القصر الجمهوري وخد الحرس يصلوا معاك على الضيق كده بدل البوليكة اللي بتعملها على كل فرض، ولما تبقى تسافر المحافظات زي كده ابقى صلي في استراحة الرئاسة وجماعة انشالله بمراتك وعيالك الاتنين اللي بيتخانقوا مع ظباط الشرطة ويضربوهم عشان بيسألوهم عن البطاقة، حتخلونا نتعاطف مع الشرطة كمان؟ هو ايه ياختي ده؟ احنا عمرنا ما مر علينا رئيس كل ما يتوضى يبقى خبر عاجل كل ما يصلي يبقى مانشيت... شكرا عرفنا انك مؤمن.. ما تبسطهاش اكتر من كده
مبارك كانت كل الناس بتدعي عليه.. بس اكتر دعوات كان بياخدها بسبب التشريفات ولما واحد مات في الاسعاف بسببه سواق تاكسي قالي: الراجل ده مش حيكمل السنة دي.. ربنا ما يرضاش بكده.. وفعلا.. صدق سواق التاكسي
وخاطبت الرئيس قائلة :يا حاج مرسي: وسكنتم في مساكن الذين ظلموا أنفسهم وتبين لكم كيف فعلنا بهم وضربنا لكم الأمثال، وقد مكروا مكرهم، وعند الله مكرهم، وإن كان مكرهم لتزول منه الجبال
الله الله الله.. حلوووووووووووووةةةة.. حلوة قوي، بتخش في النخاشيش بتاعة الجلد كده.. هو فيه نخاشيش في الجلد؟ ما اعرفش.. بس هي بتخش وتتشرب كده كأنك داهن فيكس او ابو فاس.. بتعمل حاجات الاية دي
فأنت يا حاج مرسي مكرك انت والجماعة مكر خايب ونايب وفاشل مش زي مكر مبارك، يعني لا تزول منه الجبال ولا حتى الناموسة.. خليك ماشي بستر الله بلاش تتغر
اتق ربنا أمرسي.. اتق ربنا.. انت خارج تصلي ولا ترازي الناس وتخليهم يدعوا عليك.. ما هو الناس يا اما حيدعوا عليك يا اما حيكفروا
انا لحد دلوقت اعرف 5 بنات قلعوا الحجاب بس بسبب الاخوان والسلفيين.. حتقابلوا ربنا بالناس دي ازاي؟ والبنات مش عايزين يتحنتفوا ولا حاجة، ده واحدة منهم تقريبا ما بتتسرحش ولامة شعرها كحكة.. بس مش عايزة تبقى شبهكوا في حاجة
ما هو يا تحلوا عن الاسلام يا تحلوا عنا... ويا ريت تحلوا عن الاتنين نبقى شاكرين جدا 













Home Page
كتب ممنوعة
اراء حرة
صورة وتعليق
اخبار طازة
برقيات عاجلة
شروط النشر
فضائح وفضائح
خبر وتعليق
سري جدا
لصوص ظرفاء
رسائل القراء
من ارشيفنا
هذا الرجل
هذه المرأة
كتاب البورتل
كاتب وكتاب
قصائد ممنوعة
 مقالات  مميزة
كتب للبيع
ارشيف الاخبار
قصائد المقدسي
صحف عربية
الافتتاحيات
مقالات ساخنة
صبرا وشاتيلا
أسامة فوزي
ملفات الفساد
 مقالات الاولى
الكتب السعودية