رسالة من قارئة عربية ... عن عطوان وجريدته


November 12 2012 11:15

إلى السيد أسامة فوزي المحترم
السيد فوزي المحترم

 مقالاتك الساخرة عن بعض حكامنا العرب تستهوينا لأنها واقعية، لكن انتقاداتك لعدة جرايد إلكترونية وخصوصا جريدة القدس العربي كانت محل شك عندي خصوصا عندما كنت تتهمها بالعمالة للسعودية، وكنت أظن بأنهم ممكن يكونوا بسايروا السعودية مرات بس مستحيل انهم يغطوا بعض الحقائق الواضحة وضوح الشمس  مثال على ذلك مقال رشاد أبو شاور"مال النفط ليس لإنقاذ القدس" وهي مقالة جميلة ولكن بها ما يثير السخرية  عن خوف أمريكا وإسرائيل على زعل السعودية الشكلي فعلقت على هذه الجملة وأرسلتها بمجرد ما قرأت المقال وسبحان الله لم يظهر تعليقي أبدا.... وكنت قبلها بكم يوم علقت على مقال للعطوان عن سوريا أيضا فوضع التعليق كاملا ماعدا أنهم قصوا هذه الجملة "إن  شيوخ قرن الشيطان يرسلون شباب السعودية ليقتلوا الناس بسوريا بدل ما يفطسوا بحوادث التشفيط المشهورة عنهم ولما بنقتلوا بطبلوا وبزمروا على انهم شهداء " ظننت لأنني إستخدمت كلمة يفطسوا على أساس انهم جريدة محترمة ، بس الحقيقة يا سيد فوزي راودني شعور بأنه ما كان هذا السبب بل لأنه يتعلق بأسيادهم آل سعود

والله قلبنا عم بحترق على اللي بكتبوه عن سوريا وظلم النظام هناك للناس.... قال يعني كل شعوب الدول العربية عم بترفل بالحرية بظل  عدل حكامها وما عاد بقي ظالم في العالم كله غير آل الأسد

لعلم الجميع بشار كان عم بشتغل على تحسين سوريا ليس بالسرعة اللي بتتحسن فيها الأمور بأي بلد غربي بس الحق يقال...  سوريا فرقت كتير بوقت بشار عن وقت والده على الرغم من بطء التحسن والسبب انها بلد مهلهلة بالضغوط من كل النواحي بس كانت أم لكل العرب حيث أنها فتحت أبوابها لكل الهاربين من الحروب ببلادهم وتحملت وجودهم وما ذلوا وبهدلوا أحد بإجراءات إقامة ولا فيزا متل ما بتعمل بلاد الحرمين بأي عربي حتى لو بدوا عمرة أو حج

وكله بكفة واتهامهم بأن سوريا كانت تتغنى بحفظ حق الرد على إسرائيل بالوقت المناسب وخلال أربعين سنة لم تطلق رصاصة على إسرائيل!!!!! هذا صحيح بشار قال مثل هذا الكلام والسبب معروف وهو أنه محاط بالخونة من الحكام العرب خصوصا الخليجيين، وكان عم بستنى ليلاقي حدا يوقف معه ولما إجت اللحظة المناسبة ساعد وآزر نصرالله بحربه ضد إسرائيل، واللي عم بصير الآن بسوريا سببه كله وتحت كله عشرين سطر هو دعم بشار لحزب الله بحربه ضد إسرائيل في ال2006 وليس الربيع الغبي اللي عم بدعوه ، الناس بسوريا ما عندها صواريخ وآربجيه على السقيفة بطلعها لتستخدمها ضد حكومتها ، حتى المسدسات هي بسيطة وتبع الشرطة أكبر دليل، الناس بسوريا بسطاء وما بملكوا هيك أسلحة لأنهم بسطاء بطبعم وأوفياء لرئيسهم وبحبوه وانشاء الله ربنا معهم ويفرجها عليهم

سيد فوزي أطلت عليك ولكن أنا بعتذر منك لأنك كنت محل شك بإنتقاداتك ،أنت وعرب تايمز بين رؤساء التحرير والصحف عربية متل بشار بين الحكام العرب بتشوف الأمور من منظار صافي وما بتهادن أو بتجامل الفلوس والمناصب، شكرا لك على كلامك الحلو عن سوريا وأتمنى لك دوام صفاء الذهن والبصيرة لحتى يبقى لنا شي نقرأه ونحس بالعدل

أحب أن تقرأ التعليق على رسالة أبو شاور الذي أرسلته ولم ينشروه وهو

"....دون أن يأبهوا بزعل المملكة، كون زعلها الشكلي لا قيمة له" المملكة تزعل!!!!! من ماذا بالضبط تزعل؟ المملكة موظفة أموالها لخدمة إسرائيل وأمريكا وإذا بدها تزعل بتزعل على زعلهم، والزعل الشكلي اللي عم بذكره الكاتب ما بمر على طفل بهذه الأيام حيث شغل المملكة الشاغل هو تخريب البلاد العربية ولهذا بيرصدوا مليارات وبضحوا بزهرة شبابهم. بس القدس والأقصى ومسجد قبة الصخرة مش على جدول تبرعاتهم ، الأهم انهم يتبرعوا لبناء حديقة حيوان بالدول الغربية ، مسرح أوبرا وإذا تذكروا ربهم ببنوا شي جامع ليلمعوا صورتهم هاد إذا ما بنوا عشرين كنيسة وكنيس قبالهم ويمكن والعلم عند الله هذه المستعمرات بفلسطين عم تنبنى بفلوسهم الحلال

لا أعرف هل هذ الرسالة ستنشر على صفحة عرب تايمز؟؟؟ إذا كان الأمر كذلك فرجاء لا تضع عنواني البريدي ولا إسمي ولك جزيل الشكر













Home Page
كتب ممنوعة
اراء حرة
صورة وتعليق
اخبار طازة
برقيات عاجلة
شروط النشر
فضائح وفضائح
خبر وتعليق
سري جدا
لصوص ظرفاء
رسائل القراء
من ارشيفنا
هذا الرجل
هذه المرأة
كتاب البورتل
كاتب وكتاب
قصائد ممنوعة
 مقالات  مميزة
كتب للبيع
ارشيف الاخبار
قصائد المقدسي
صحف عربية
الافتتاحيات
مقالات ساخنة
صبرا وشاتيلا
أسامة فوزي
ملفات الفساد
 مقالات الاولى
الكتب السعودية