محمد حسين
Jovani203@gmail.com
Blog Contributor since:
28 January 2019



Arab Times Blogs
أللى عنده الرجاء و الامل. بقلم محمد حسين
أ | سؤال متكرر  هو انت ليه متفائل كدة؟ هو انت عندك حاجة مش عند الناس بتقولها؟ وردي الحقيقة هو: لأ ماعنديش ، لكن عندي ثقة وإيمان وصبر.. زي ما قال الكاتب الراحل الجميل عبد الوهاب مطاوع إن أكبر أخطائنا فى حق نفسنا هو الاستسلام للاكتئاب..الإحباط لو بدا لنا فجأة كأن الطريق قدامنا مسدود والمشكلة اللى بنواجهها جبل مانقدرش نتسلقه، مع أن أكثر اللي شقوا طريقهم بنجاح فى الحياة اصطدموا بعقبات أعتى.. فتخطاها البعض.. وتخلى البعض الآخر عنها لطريق آخر.. أما من استشعروا العجز وشكوا سوء الحظ  وتحسروا على اللي كانوا هيحققوه لو ما صادفتهمش العقبة دي، خسروا طموحهم وأعصابهم وصحتهم وقدرتهم على الاستمتاع بالحياة..
شخصياً مش ناوي أخسر طموحي ومستعد أضحي بشوية صحة وأعصاب عشان الهدف واضح وما ينفعش إني أصور نفسي لنفسي إني المشكلة. ود. مصطفى محمود قال المشكلة هي الانسان، الانسان هو الظرف الحاسم والعامل المهم ولما تنسد كل الأبواب أدامه يظل فيه باب مفتوح داخله على الرحمة الإلهية..
ولما يصرخ من اليأس.. فدة لأنه قفل بايده هذا الباب وأعطى ظهره لربه وخالقه.
أرجوك شاركني بعدم قفل الباب الواسع الكبير للرحمة الإلهية وشاركني اننا نولي وجوهنا مش ضهورنا للخالق سبحانه لأن هو اللي عنده الرجاء والأمل.. مش حد تاني






تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز