ابراهيم بلة
abilleh@yahoo.com
Blog Contributor since:
14 September 2010



Arab Times Blogs
نيالك يا طير
نيالك يا طير


رندح وسمعني كلمات حلوة كتير
مشتاق اسمع كلامك عالصبح بكير
ويا ريت تقول للطير يحملها
للأهل في القدس مع سلام كبير

غني يا طير غيابك يا حبيبي طال
خبرني عن البستان والاهل والاحوال 
لما تروح تشرب من نبع أيوب
أبعت لي نقطة مي  ريقي نشف يا خال

واحمل سلامي يا طير للأحباب
طالت الغربة كتير والعمر عالباب
مع كل نسمة يا طير طمنهم
وبوس خد الحلو من غير اي عتاب

رندح يا طير وخبرني عن بلادي
مشتاق للسهل والكرمات والوادي
بكرا لما تعصروا بموسم الزيتون
لا تنسى تخبوا شوي لاولادي


نيالك يا طير بتمر فوق حدود
خدني معاك عاجانحك بدنا نعود
ترى النوار في الغربة مش ازهار
احلى زهر في الارض فلسطين ارض الجود



ابراهيم البلة









تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز