ابراهيم بلة
abilleh@yahoo.com
Blog Contributor since:
14 September 2010



Arab Times Blogs
مين هو صاحب القرار 1
مين هو صاحب القرار 1 

هذا المقال بالعامية لأني بدّي أفشْ غُلّي بالحكي الصريح ويسمعه كل الناس الكويس والمليح

يا رجل صار النا ستين سبعين سنة امنسمع بدهم يألفو حكومة وحدة وطنية وبدهم يرموا اسرائيل بالبحر وبدهم يعملوا خارطة طريق وبدهم ديمقراطية للشعب وبدهم وبدهم لكن العنب لساته حصرم وموت يا حمار تاينبت الشعير.  

أنا بس حابب اعرف شو بيعمل قائد الثورة الفلسطينية وأعضاء المنظمة واللجان التنفيذية والثورية في موسكو بيحضروا بمباراة كأس العالم.  عمره عباس ما زار مسجون فلسطيني وعمره ما عزا عيلة على مستشهد وإذا راح على المستشفى مش علشان يزور جريح فلسطيني لكن علشان يحاول يزيد عمره كم يوم زيادة. 

اسرائيل بتقرر كل حركات عباس وكل عضو في السلطة لأنهم موظفين عند اسرائيل 
أصلا عباس بيطلب تصريح من الحاكم العسكري علشان يطلع من المقاطعة وبشارطك انه ما بيمون على جوز جرابات.  

يا رجل اسرائيل بتقرر كل حركات اي حاكم عربي وبتقدر تغير اي حاكم بيوم واحد 
مثلاً ابن سلمان طالع نازل تطبيع مع اسرائيل ليش هو على كيفه وإلا يعني بيمون يقول لأ. والله اسرائيل ابتلعن اساسه. 

يا حبيبي اسرائيل بتقرر امتى تضرب سوريا أو غزة أو لبنان. طيب بلاش اسرائيل ابتضرب اليمن والسودان ومستعدة تغتال اَي عالم فلسطيني أو عربي في تونس والعراق والعالم كله ابيتفرج. ممكن حدا يقول لي امتى دولة عربية ضربت فشكة صوت واحدة على اسرائيل. شوف العالم العربي غاطس في الجهاد في سوريا وزواج المتعة وشو اسمها هادي هيفا وهبة والواوا ومصاري البترول العربي ابتتوزع على ترامب وترامب بيحولها للنتن ياهو ابن الحرام. 

وين احنا امنتسابق مين بيعمل اكبر صحن حُمُّص ووين العالم ابيتحضروا علشان يمرروا صفقة راح توكل الأخضر واليابس ويسرقوا شو ضَل من الضفة الغربية ويسرقوا كل القدس ويدمروا غزة.  يا رجل بدّي اسمع قرار واحد من حاكم عربي بيبل الريق.   

مشان الله اصحوا يا ناس وشوفوا شو عّم بيصير.  
أنا شايف كل واحد بيقول ابعد عن الشر وغنيله. 


راح أضل اكتب لينشف الحبر


ابراهيم البلة

محمد   الخلاصة   July 20, 2018 5:35 PM
العرب كلهم متفرقين و لا يعتبروا حالهم شعب واحد مثل امريكيا الجنوبية كلهم يسموا
حالهم لاتن Latin ولا يتدخلوا في شؤون بعضهم على الاطلاق. العرب بدخلوا في تدمير و قتل بعضهم بعض باسم العروبة. الخلاصة خرايي على العرب والعروبة كلها.







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز