الجمهورية العربية المتحدة

2009

"فكرة مجنونة.. التنفيذ مستحيل.."

صاح السيد المسئول بهذه العبارة في وجه معاونه ذي الملامح الخبيثة و سقطت قبضة يده هادرة على سطح المكتب مردفا بقوله:

"أنت ازاى تجرؤ على انك تقول الكلام ده؟"

حافظ المساعد على ملامحه الخبيثة و أضاف إليها ابتسامة عند الطرف الأيسر لشفته و قال:

"يا أفندم أنا حبيبت أساعدهم على تخطي المشاكل السياسية اللى عندهم"

ازدرد المسئول ريقه قائلا بهدوء عصبي:

"و احنا مالنا.. احنا ماعندناش مشاكل سياسية زيهم.."

تساءل المساعد و هو ينهض واقفا:

سيادتك شايف كدة؟"

ران نحو عشر ثوان من الصمت و قال المسئول بحنق:

"اقعد.. انت رايح فين.. قول اقتراحك تاني بوضوح.."

جلس المساعد بثقة و ازدادت ملامحه خبثا و قال:

"سيادتك عارف ان فيه ماتش بين مصر و الجزائر.. و لازم فريق واحد يروح كاس العالم.. و دي مسالة حساسة.. و ماحدش ضامن المكسب"

قال المسئول بغضب:

ادخل في الموضوع اللى انت قلته ""

قال المساعد بسرعة:

"نعمل اتحاد سياسي بين مصر و الجزائر.. يعني زي مصر و سوريا زمان.. دولة لمدة ثلاثة شهور و نشوف الموقف السياسي.."

صمت المسئول و اردف المساعد:

"فريق واحد يروح كاس العالم و امجاد يا عرب امجاد.."

تساءل المسئول يائسا:

ايه الهدف؟""

اجاب المساعد بخبث عميق:

"علشان الناس تفرح!!"

صاح المسئول غاضبا:

"انت فاكرني واحد من الناس.. اتكلم بوضوح.."

تحسس المساعد راسه بعصبية:

"الضغوط السياسية تخف شوية.. مسار بديل و الناس تتكلم شوية.. نقدر نتحرك في مجالات كتيرة بحرية من غير عيون علينا..و ناخد غرضنا و بعدين نقول الوحدة فشلت و.."

قاطعه المسئول ضاحكا:

و امجاد يا عرب امجاد""

و تصاعدت اصوات الضحكات

هاهاهاهاااااااااااااااااااااااااااا.....""