محمد حسين
jovani203@Gmail.com
Blog Contributor since:
07 August 2018



Arab Times Blogs
للأسف نزل مصر ملقاش في مكان ليه
كتب. محمد حسين 
🔸نموذج مصرى مشرف 

👈اسمه د محمد ابراهيم 
- خريج هندسة القاهرة ومدارس حكومة 

-🔸 سافر أوكرانيا عشان يتعلم ازاي يعمل سوفت وير للقمر الصناعي ضمن برنامج الفضاء المصري 

-🔸 للاسف رجع مصر ملقاش ليه مكان وقتها 
- ناسا استشهدت في تقريرها الدوري بفرضية بحثية ليه 

🔸- طلبوه في اليابان وشوية بشوية بقي كبير مهندسين في مجموعة هيتاتشي في المقر الرئيسي باليابان 

🔸- مجموعة هيتاتشي دي بيشتغل فيها حوالين العالم حوالي ٣٠٠ الف واستثماراتها في السنة ب١٢٠ مليار دولار 

🔸- محمد بقي من خلال هيتاتشي قدر يبقي له بصمة في السوبر كمبيوتر الخاص للمجموعة دي وقدر يعمل سوفت وير ل اقمار صناعية 

🔸- اليابان ادتله اقامة تحت مسمي خبير اجنبي ذو مهارة خاصة او كفاءة نادرة 
 
🔸- مفقدش الامل فضل ورا بلده 
دعيناه من خلال مؤتمر مصر تستطيع اللي عملته وزارة الهجرة مع الوزيرة المحترمة نبيلة مكرم وتحت رعاية رئيس الجمهورية وبرنامج مصر تستطيع وقناة النهار 

🔸- حضر المؤتمر وقال امنية " نفسي مصر يبقي عندها سوفت وير مصري لقمر صناعي " 
- مؤسسسات الدولة قالتله اتفضل ورينا شطارتك 

🔸بعدها بسنتين مسك حلمه بايده وأعلن في الدورة الثالثة لمؤتمر مصر تستطيع ان مصر نجحت في عمل اول سوفت وير بحقوق مصرية صنع في مصر 

🔸- السوفت وير ده تم اختباره في معامل نووية يابانية واخد الجودة من هناك 
- بالتأكيد السوفت وير ده مش الأعظم في العالم لكن المهم انه مصري وخطوة في بداية الطريق 

🔸- لما يكون عندنا قمر استشعار عن بعد بسوفت وير مصري هنعرف كثير قوي اكتشاف ثروات

🔸او تعقب ارهابيين حتي لو عاوز تعيد تخطيط مدينة او حتي شبكة مياه او حتي صرف صحي او كهرباء او رصد للثروة الزراعية او تطوير الاراضي مش هنعرف ده كله غير بالقمر الصناعي

🔸 ومش هنعرفه صح وبدقة غير بسوفت وير مصري يعني مش محتاجين خدمات او صفقات مع حد في المنطقة دي 

🔸- نسيت اقولكم حاجة محمد ابراهيم عنده ٣٩ سنة  😍






تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز