سامر عبد الكريم منصور
smansour91975@gmail.com
Blog Contributor since:
17 October 2015

كاتب ومهندس عربي من سوريا



Arab Times Blogs
الفنان السوري ﭼمال سُليمان في لقاء على الحياة المصرية

 
بص يا بيه ... ما ينفعش نتكلم عن انتخابات ... عمري ما حدافع عن الثورة عمال على  بطال ... الثورة دي ما قامتش علشان يمشي بشار الأسد... 
»»»  الشعب السوري هو الذي سيقرر في الإنتخابات .... الشعب السوري الي واقع تحت الخوف وسلطة الخوف في المناطق التي يسيطر عليها النظام. ولا الشعب السوري الي راكب المراكب ورايح يدور على أي مكان هجرة في اي مكان في العالم. عشان نبقى واقعيين وموضوعيين، ما ينفعش نتكلم على انتخابات وانتا عارف لو ما رحت وصوت للريس، مش هتاخد شهادة ميلاد لابنك... مش هتاخد وثيقة ﭼواز ان الست دي مش بتنام معاها بالحرام دي مراتك ... الدولة تمسك بكل شيء وتقولك تعال قدملي فروض الطاعة علشان أديك حقوقك الدستورية أديلك بسبور، شهادة ميلاد ، لاحكم عليه ... ده كلام بصراحة يعني عيب أنو نقوله ... ده كلام صعب شخص عندو اي منطق او حس اخلاقي انو يدافع عنو 
 

»»»          حكاية التخوين ... لما بقول عن شخص أنو خاين ... زي ما بقول عن شخص انو كافر ... يعني من معالم الوضع السيء اللي وصلنالو أنو نستخدم  عبارات زي دي بهذه البساطة ... إزاي بقدر اقول عن شخص انو خاين ... انا طوال الوقت بحاول افهم عقل الموالين ... بص يا بيه ...  اسوء شيء في الدنيا انك انتا كبني آدم فﭼأة تلاقي نفسك بشكل غوغائي تدافع عن وهم ... أو عن فريق ... أنا مش بدافع عن يلي بيقولو انها الثورة السورية ... عمري ما حدافع عنها عمال على بطال ... وعمري ما حستغني عن رؤيتي النقدية تﭼاهها ... عشان كده انا بعتب على كل شخص بيدافع عن هذا النظام وهو ارتكب اخطاء قاتلة بحق الوطن ... انك تدافع عنو عمال على بطال ... أنت عاوز ايه ... انت عاوز النظام ... ولا عاوز الثورة ... ولا عاوز وطنك ... أنا شخصيا بني آدم عاوز وطني ... وانا بحترم كل سوري عاوز وطنو 

»»»          بقاء او رحيل بشار الأسد ... الثورة دي ماقامتش علشان يمشي بشار الأسد ... ومن المعيب الربط بين الوطن وبشار الأسد ... ومن المعيب ايضا الربط بين الثورة وبقاء او رحيل بشار الأسد ... ما تقتضيه المصالح الوطنية العليا يﭼب ان يحقق ... لأن سوريا اكبر من الﭼميع ... بما فيهم بشار الأسد ... بالتالي اذا اقتضت المصالح الوطنية العليا  رحيل بشار الأسد فيجب ان يرحل ... أنا اعتقد انو من حق سوريا اليوم ... ان ترى حياة اخرى مع زعامة سياسية اخرى ... تخرﭺ اصوات تقول ان رحيل بشار الاسد يعني تقسيم سوريا ... أهاه ... ده بقا منتهى الابتزاز السياسي ... شوف يا بيه ... اذا كان في وطن قائم على شخص حتى لو كان هذا الشخص عبد الناصر ولا  انور السادات ولا عمر بن الخطاب ... من كان منكم يعبد محمدا فإن محمدا قد مات ... يعني ازاي ... يعني هل في اوطان  محترمة تقوم على شخص مهما كان عظيم ... طب افترض انو ﭼالو سكته قلبيه وهو نايم ... حنعمل ايه ... خلاص بقه ضاعت البلاد ... ده كلام مش مقبول وطنيا ... الشيء المقبول انك تفكر بالمصلحة الوطنية ... لكن من الناحية التانيا ... لازم المعارضين اصحاب الرؤوس الحامية يفهمو انو المسألة دي مش بهذه البساطة ... بمعنى انو هناك تهديد حقيقي  لمستقبل سوريا وكيان سوريا ووجود سوريا ... بالتالي لا بد التفكير بمخارج سياسية تضمن التغيير الديمقراطي العميق والﭼزري في سوريا ... لكن تحافظ في نفس الوقت على وحدة  سوريا

 







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز