حمدي السعيد سالم
h.s.saliem@gmail.com
Blog Contributor since:
04 September 2010

كاتب عربي من مصر
صحفى بجريدة الخبر العربية

 More articles 


Arab Times Blogs
الغباء له ناسه يا محلب

ابراهيم محلب الفاشل سايب 43 ألف تمساح، وفى دراسات أخرى 80 ألف تمساح، فى بحيرة ناصر( طولها 350كم) ومساحتها «مليون فدان مائى» تتغذى (بالهنا والشفا) على أنقى وأنضف أنواع السمك، والشعب مش لاقى الفول (كيلو الفول بعشرة جنيهات)!!.... نصف هذه التماسيح (توحش).... والتمساح المتوحش (طوله 6 متر، ووزنه 950 كجم، والأنثى تبيض 40 : 60 بيضة سنوياً).... التمساح ياكل فى المتوسط يومياً 20 كجم سمك، وبين المتوسط والصغير، التمساح الواحد بياكل 10 كجم فى اليوم!!....

فاذا افترضنا جدلا أن عدد التماسيح 40 ألفا فى 10 كجم يومياً = 400 طن سمك يومياً يلتهمها (أسيادنا) التماسيح.... بياكلوا : 400 طن فى 365 يوما = 146 ألف طن!!. السؤال: إحنا بنصطاد من البحيرة، عشان الشعب ياكل، كام طن فى السنة؟. الإجابة: 20 ألف طن!!... لذلك اسأل: هيئة الثروة السمكية، ومعهد أبحاث الأسماك، والعشرين جهة التابعة: فى أسوان: حضراتكم بتصرفوا كام: كمفارخ – ومبانى حكومية – وكهربا مدعومة – وأسانسيرات – وبوكسات وأتوبيسات – ومرتبات – وحوافز – وتليفونات – وتكييفات ..الخ ..... وقسم المصروفات على الـ 20 ألف طن يبقى الكيلو وقف بكام؟ وخسائر كام مليون؟ والحل:

1- نصطاد التماسيح الـ 40 ألفا، (يوجد حول العالم شركات متخصصة، فى الصيد دون استخدام الرصاص)، حتى لا يتم (تخريم) الجلد، والجلد الواحد ثمنه 4آلاف دولار (للتمساح النيلى البالغ)..... 40 ألف تمساح فى 4 آلاف --$-- = 160 مليون --$-- بالمصرى (1,232,000,000)مليار.... لو موجود بقئ 80 الف تمساح فى 4 آلاف --$--= 320,000,000 --$-- بالمصرى(2,432,000,000)مليار يعنى فلوس و فوسفور....

اعلموا أن ميزانية معاهد بحوث الصحراء المسؤولة عن 94% من مساحة مصر 21 مليون جنيه فى السنة، وميزانية البحوث الزراعية فى مصر كلها 130 مليون فى السنة، ولو رمينا زريعة أسماك بحوالى 200 مليون مثلا فى السنة ده كيلو البلطى هيوصل للمستهلك بستة جنيهات او اقل !!(ال 200 مليون بالنسبة لاستثمار التماسيح لا يذكر)....

2- نحتفظ (بالولدة) أى الأحجام الصغيرة، وننشئ 3 مزارع تماسيح، فى الأقصر – أسوان – أبوسمبل، كمزارات سياحية (وعندنا السياح هناك) الشباب يشتغل، ونكسب من رسوم الدخول + مقاهى + مطاعم + بازارات لبيع المصنوعات من جلد التماسيح (أحزمة – شنط يد – جواكت – أحذية) هى الأغلى فى العالم)!!... وبما أننا (أولى دول العالم) فى استيراد الأسماك المجمدة النفايات) من شرق آسيا وأوكرانيا (مصر تستورد 420ألف طن (نفايات) سنوياً!!...

3- هنوفر الدولارات (اللى بنستلفها)، وثمن الأدوية اللى بنتعالج بيها، من سموم النفايات المستوردة!! والشعب ياكل السمك النضيف، اللى التماسيح بتاكله (قشر بياض – بلطى نقى – بياض الخ...)، وبما أن سمك البحيرة، يتغذى على الطحالب (مجاناً)، يبقى تكلفة كيلو (البياض) أو البلطى هى: الحراسة + الصيد + التبريد + النقل حتى العواصم= خمسة جنيهات (بالسرقة)، ممكن تبيعها المجمعات الحكومية بمكسب 20% = كيلو قشر بياض أو بلطى نقى، للمستهلك بـ6 جنيهات، أرخص من الفول!! وكمان عندنا بحيرة (المنزلة – البرلس – البلاح – ماريوط – إدكو – قارون.. إلخ)، أصبحت مجارى للصرف الصحى، وتعرضت للتجفيف بالاعتداءات، ولم يتم تطهيرها، وانغلقت بواغيزها على البحر، ولم يبق لنا نظيفا سوى بحيرة البردويل!!... والحل الكراكات والأوناش والمعدات التى استخدمت فى حفر قناة السويس، تنتقل بنفس المنظومة لتطهير البحيرات وإزالة التعديات، على أن يتم تجهيز (الذريعة) فى الوقت نفسه، بعد 6 أشهر لن نستورد كيلو جرام واحد!! ونأكل الشعب المصرى سمك نقى ونضيف، وتصبح الوجبة الشعبية: سمك مشوى، مقلى، مملح، مدخن، مع البطاطس أم 30 قرش الكيلو فى الغيط، وناكل: فيش أندشيبس!! ملحوظة: المغرب (من غير بحيرات ولا أنهار، بتصدر بـ 2 مليار يورو (سردين معلب، وأسماك مجففة، وكل ما تتخيله، حتى رؤوس وديل السمك)، وإحنا بنستوردها منهم لعلف الدواجن.... فى عهد حكومة محلب افندى الفاشل السمك للتماسيح والفول للمصريين!!...







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز