ماهر دريدي
maherdj@hotmail.it
Blog Contributor since:
07 March 2010



Arab Times Blogs
بدي احكي بالالغاز والشاطر يفهم

بدي احكي عن البطحة وعن الرووس وعن البصل اللي ريحته مش طالعة عن حلم شعب أهبل بفكر كيف يصير مليونير ، فالغاية تبرر الوسيلة ، اسرق ووطي وامسح الأخلاق تغنى والكل بيعملك حساب !!! بتصير تشتري وتبيع والكل بقول عنك محترم وبتنظف الصورة عن الحيط وبتبني جامع ويا دار ما دخلك شر وفلان صار اسمه حج !!!! عيب اللي بصير والله عيب !!! صار الخاري والقاري واحد !!! وين صارت قالوا في هذا الوقت ما في عبيد وخدم !!! وعلى مين يا بابا ؟ أصلا قديش اللي مش عبيد ولا خدم !!!! يا بخدم اللي فوق مشان اللقمة ويا بيخدم البنك مشان يسد القرض وبتقلي ما في عبيد !!!!!!!!

زمان كان الواحد يمسك بايدو الضو ويسرح في الخلا واليوم صار الواحد يمسك السراج والفتيلة تا يدور على بني آدم بتوثق فيه او ما بكذب !!!! اليوم صار ابو شنب يحلف بالطلاق ثلاث مرات مشان يورجي الناس انه زلمة وصارت كل النسوان مطلقات بفضل هالزلومية !!!!!! عيب !!!! عيب اليوم صارت تنقتل المرأة ويروح القاتل بعد أكم شهر عشان القانون اللي عنا بيحمي اللي بيغتصب وبيقتل تحت راية الشرف وعن اي شرف بيحكوا ؟ يا حيف على الأمل !!! الواحد بفكر انه لما تضيق على البشر الناس بتمسك بخاطر الناس لانه الحال من بعضه !!! مش لما يوقع العجل بيكثروا ذباحينه !!!!

 اليوم صار الزلمة بيحكي حكي نسوان وبينشر بالحارات عن فلان وفلانة والنسوان من زمان مش ساكتات ، وصارت البوم القرية اخرى من المدينة !!!!! صار اللي بصلي مشبوه واللي بربي اللحية مش محترم ، بيهددوه بشغله وبلقمته بس كيف لو انه جاسوس ؟ كان صار أهون لانه اليوم صار محترم وعلاقاته قوية !!!! عيب صارت العنصرية مش بس بين الأديان !!!

 اليوم صار ابن الشمال تيلندي وابن الجنوب مستوطن وابن الوسط مغترب وابن المدينة ما بحب ابن القرية وابن المخيم ما بحب الاثنين وتحيا الوحدة العربية والله عيب !!!!! حتى لما بتروح تتعاطف مع الناس بتشوف هالتنظيمات المصدية حاملة أعلامها وهاي الاعلام بتغطي على علم البلد !!!!! وصار الانتماء للعيلة فوق الانتماء للوطن والله عيب مين اولا ومين ثانيا !!! حتى اللي متضايق صار يشرب بدل بوكيت الدخان بوكتين !!! ومشان بيحسدوا الكلب على عافيته رفعوا الضريبة وصار الحشيش أرخص من الدخان ، عيب الشعب يحشش وإلا يشرب دخان !!!!!! وهاي رمضان صار على الأبواب والشغلة اللي بقرش بتصير بعشر قروش والله عيب الاستغلال !!!!!

انا ما بتهم حدا بالمرة والكلام مش موجه لحدا لانه عيب احكي عن مين بقصد لانه ممكن يكون الحكي مش موجه لحدا وسلامة تسلمكم !!!!!!!!







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز