سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
ناس تانيين

ولاعُمـــــــرى كُنت ضِدْ

ولاعُمـــرى ح اكـون مَعَ

ولاعُمرى ح اكــــون لِحَدْ

تَــــــــــــــــــــابِع أو اِمَّعَه

 

لابَمشى ف أى هوجَـــــــه

ولابَركَب أى موجـَـــــــــه

وبشوف العِدْلَه عِـــــــــدْلَه

وبشوف العُوجَه عُوجـَــــه

 

فى الحق بدون شَمَاتَــــــه

أنــــــــــــا ادافِع بِاسْتِمَاتَه

وازعَل لو شُوفت راجــل

زَى خَيَال المآتـــــــــــــــه

 

وانــــــا شايف وبصراحه

احنا ف عَصر البَجَاحَــــه

والكَـــــــدَّاب ف الزمن دا

واخِـــــد أكبر مِساحـــــــه

 

والسَاحـَـــــــه سَدَاح مَدَاح

كُــــــــــــل الممنوع مُبَاح

ونِسمَــــع مهمـــا نِسمَــــع

كُــــــــــــلِ المَسموع نِبَاح

 

دا شاف مُنكَر أَجَــــــــازُه

ودا أعمىَ فى اِنحيـَـــــازُه

وبَقِيــــــــــة الشعب مِنهُم

بالله وَحْـــــــــدُه اِستَعَاذُوا

 

دينيـَـــــــه وعِلْمَانِيَــــــــه

مِش شَايف موضوعيـــــه

أنـــــــا شايف ناس بِتِكْدِبْ

وبنسبـــــــــة 100 .100

 

حياتنـــــــــــا لونها سَمْنى

وكتبت الكُــــــــــل لامنى

لاحَل سياسى نَــــــــــــافِعْ

ولانَـــــــــــــافِعْ حَل أمنى

 

دَخَلنا ف حَـــــــــــارَه سَدْ

ومَحَدِشْ عَاجْبُه حَــــــــــدْ

والأخ لاخـُــــــوه مِرَابِضْ

واِتْسَلَــــــــحْ واسْتَعَـــــــــدْ

 

أَسَاءنـَــــــــا للوطن والدين

وزِهْقِتْ مِنِنَا المياديــــــــن

ونسأل م الملل رُوحْنَـــــــا

دا اِحْنَا وَاللا ناس تَـانيين ؟







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز