سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
أجْمَلْ وَطَنْ

أنا اللى هَمْ الوطن

هو اللى هَامِمنى

وانا اللى جرح الوطن

فى البُعد آلمنى

وانا اللى حضن الوطن

هو اللى ضَامِمنى

وانا اللى حب الوطن

لِحْسَابُهْ أمّمنى

أنا اللى عشق الوطن

مفروض عليا فَرض

وعندى حُبْ الوطن

ضد الطلب والعَرض

عُمرى ف سبيل الوطن

من غير فوايد قَرض

وعيونى شايفه الوطن

أجمل وطن ع الأرض

بَعيش فى ضل الوطن

مِنُه ومِنْ خيرُه

وبعيد بَكُون للوطن

عند الغريب طيرُه

وقلمى رَهن الوطن

فِكْرُه وتَعْبِيرُه

ومصر هى الوطن

اللى ماليش غيرُه

مصر اللى ليلها دوا

يشفى عليل القلب

ومين فى أهل الهوى

ماعْشِقْشِ نيلها وحَبْ

اللى بحنانها ارتوى

وكِبِرْفى بيتها وشَبْ

يقول فى سر الهوى

من غير سبب تتحب







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز