سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
كَرَاسى الحُكم

يــــــانايم فى قَلب القَصر

وسايب حـــــــرايق مصر

من نومك ح تنهض امتى

وتِرفع رايـــــــات النصر

 

برودك رفــــــــع حرارتنا

وسكوتك فقـــــــع مرارتنا

باينك يـــــــــــــاريس بايع

ويمكن قـــــــــريت فتحتنا

 

حققت ف شهور انجــــــاز

يشوفه الضرير اعجـــــــاز

وهو الحقيقه فضيحــــــــــه

وخيبة أمل ان جـــــــــــــاز

 

الظاهر كـــــــراسى الحُكم

بتصيب العقُول بـــــِـــالعُقم

وتحَوّل رجــــــــال السُلطه

ل عُمْىٌ وصُمْ وبُكــــــــــمْ

 

أحـــــوال البلاد فى النازل

وصَبَحْنَا حَسُودْ وعـَــوَازِل

الكل استَبَدْ برأيـــــــــُــــــه

ومحـــــدش عشانها اتنازل

 

حَكَمتْ بلسان مربــــــــوط

وجِبتْ لبلدنا هبــــــــــــوط

وكُنت واخــــــدها مريضه

ببركة دُعَــــــــــاكْ بتموت

 

بَلِيتْنا بحكومــــــــــه سَئيله

وخـــــَــــايبه وخيبتها تقيله

حكومـــــه الفشل دستورها

وعاجــــــــزه وقليلة الحيله

 

واللى انت قَعَدت مكانـــُـــه

فى غاية السعاده زمانـــُـــه

بيضحك أكيد مـــــــــن قلبه

ع الشعب اللى جاب اخوانه

 

استفتى يـــــــــــاريس قلبك

واتحـــــــرك لصالح شعبك

وقـــــــــول للجماعه تسيبك

لو كـــــانت صحيح بتحبك

 

بِنِغْرَقْ يـــــــــــاريس فُوق

اِتــــــْـــوَلّى القياده وسُوق

وخَلى القــــرار من راسك

لامـُــرشِد ولا مَخـْــــــلُوق

 

أبــــــــواب التاريخ تناديك

ودخـُـول التاريخ فى ايديك

مــــاتسيبش التاريخ يتشفى

ويِقْسَى فـــــى حُكْمُه عليك







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز