صَحْصَحْ عزيـــزى المُسْتَمِعْ

فيه فرق لكــــــــــن مُصْطَنَعْ

المرأه زوجــــــــــه المرأه أُم

المرأه نِصف المُجْتَمَـــــــــــعْ

المرأه قــــَــــــــــاسِمْ مُشْتَرَكْ

فى كــــــــــــل حَقل ومُعْتَرَكْ

بتقود رجــــــــــــال وبتشتَرَكْ

ف اللى اِتْصَنَعْ واللى اتْزَرَعْ

المرأه أم مُرَبّيــــــــــَــــــــــه

هى الأساس فـــــــــى التربيه

قُــــــــدوه ومَثَلْ فى التضحيه

وكــــــــــــلامها لازم يتسمع

المرأه أُم حنينـــــــــــــــــــــه

وعليها وصــــــــــــــاك ربنا

واللـــــــــــــــــــى يحب نبينا

ينصت لأمــــــــــــه ويستمع

المرأه أجمل مـــــــــــــــاخلق

مش بس اسم علـــــــى الورق

قلوب عشانها بتتحـــــــــــرق

وحــــــــروب عشانها بتندلع

المرأه زوجـــــــــــه ومؤنِسَه

وام العيــــــــــــــال المُخْلِصَه

وست بيت مِتـــــــــــــــأسِسَه

ومرأه عـــامله ب100 جَدَعْ