د. محمد فؤاد منصور
m_mansour47@hotmail.com
Blog Contributor since:
01 September 2010

كاتب عربي من مصر
مقيم حاليا في الولايات المتحدة

 More articles 


Arab Times Blogs
عريس مصر .... القادم
عريسك يامصر
ياست العرايس
مفلس ومشيخ وهايص ولايص
وفيه الممثل وفيه الهجايص
وفيه الكِشر ..ووشه عِكر
وفيه اللي ناعم
وفيه اللي مايص
***
ده واحد نعلق عليه الآمال
وعايش في بدلة حبيبنا جمال
ولكن كلامه بعيد الاحتمال
لأن اللي مات مستحيل يتبعث
وشغل النضال ده ..ده أصبح محال
***
وواحد يقول ده بعتني النبي
وقصر الرياسة ده فيه ملعبي
مفكر يامصر إن شعبك غبي
هايقبل رئيسه يكون له رئيس
ببوس الأيادي كلي واشربي
***
وواحد شغلنا بلامشغلة
يمثل علينا كلام حنجلة
وينفخ سيجاره وعامل ولا
كأن الرياسة بتاعت أبوه
وأحنا ياعيني قطيع في الفلا
***
وواحد ده ساكت وعامل شجيع
مخاصم حبايبه وباين وديع
وعند الرئاسة هايقلب بديع
يقطّع أيادي ويرجم في ناس
وشعبك يامصر مسالم مطيع
***
وواحد قراري وفل الفلول
وداخل بصدره وفشره المهول
ويلبس بلوفر ويطلع يقول
أنا الرئيس الأنيس النميس
وكل العيال دي ناقصة عقول
***
عريسك يامصر ده لازم يكون
موظف إدارجي عظيم الفنون
يحبك وشعبك وعاقل حنون
وعارف بأِنه في يوم نفترق
ولو كان يحبك لحد الجنون






تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز