زهرة الشمس محمد
sunflowerfutur@yahoo.com
Blog Contributor since:
08 February 2011

كاتبة مصرية

 More articles 


Arab Times Blogs
أم الشهيد نزلت الميدان

 

أم الشهيد نزلت الميدان
وسألت فين
دمى ابنى هنا ساح؟
يا ناس دلونى على العنوان!
وصرخت أم الشهيد
وقالت ليه
دم ابنى هنا ساح؟
رد الثوار
علشان يجيب
لمصر صباح

***
بكت أم الشهيد
ونزلت دموعها
وقالت طيب
على مين أصبح أنا؟
وحطت أم الشهيد
منديلها على عينها
وقالت علشان مصر تفتح
لازم أغمض أنا؟

***
خلعت أم الشهيد طرحتها
ومسحت بالميدان طرحتها
وأستغربوا الثوار
من فعلتها!
قالت دم ابنى بيصرخ!
فطببت أم الشهيد
وطبطبت عليه بطرحتها
وفضل دم الشهيد يصرخ
ومانفعش معاه طبطبتها
ياحزنها ياقلة حيلتها!

***
خلعت تطبط بحردتها
ياترى المرة الجايه
هاتخلع أيه من هدمتها؟
ولاسة دم الشهيد بيصرخ
لأن الأقدام اللى قتلته بدباباتها
لاسة حية نابضة برصاصاتها
ومهما طبطبت أم الشهيد
هأيصرخ دم الشهيد

لأن اللى قتلوه
لاسة لابسين بدلتهم
وكمان أتأجلت محاكمتهم

إبكى يا أم الشهيد
عددى يا أم الشهيد

أصرخى يا أم الشهيد

***
صرخت أم الشهيد
وقالت راح الشهيد
يجيب لمصر صباح
راح الشهيد ضحيه!
سال دم الشهيد
بدون ديه!

إبكى يا أم الشهيد!
أصرخى يا أم الشهيد

لأن المحاكم أتأجلت
لمحاكمة ربانيه!
لأن محكمة البشر
غير شرعيه!

***
ومهما طبطبت بطرحتها
ومهما تتعرى من هدمتها
هأ يصرخ دم الشهيد
وكأنه سال من جديد
إبكى يا أم الشهيد

أصرخى يا أم الشهيد

***

 

 







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز