د. زهير نفاع
zuhai@yahoo.com
Blog Contributor since:
04 March 2007

كاتب وباحث قلسطيني

 More articles 


Arab Times Blogs
نسينا حالنا

نسينا حالنا

                              بقلم: د. زهير نفاع

ع صوت الطبلة والمزمار

عملنا ثورة لهلوبة

جت أمريكا ع قلب الدار

والصهيونية الهيوبة

شالوا رئيس وحطوا رئيس

ما فهمنا اللعبة الملعوبة!

***

ملهيين بنقد الاسلام

جوا الأرض المسلوبة

ولون القمصان والرايات

نسيوا الحالة المضروبة

صرنا شِلْيِة غنمات

لكل المسالخ مطلوبة

***

عزمي بيلم شواقل ودولارات

وبيفتي بسوريا: مغلوبة

يا حيف ع العمالة والخيانات

طمنتوا الدولة المرعوبة

***

قم من نومك

فتح عينك

بدك تخطيط وقيادة للثورات

وتشفى من الحالة المجروبة

كله عنا خذ وهات

حتى لعبتكم معطوبة

***

اصحى يا نايم

وطنك بنادي

وانت

ولا على بالك،

مَواتك دايم

اجريك لفوق وراسك تحت التحت

شو هالحالة المقلوبة

***

لولا حبي للبلاد

لقلنا قهوتكم مشروبة!

***

صباح الخير لوطني وست الستات

بنت الجليل المهيوبة

رغم كله؛ النهار طالع والفجر آت

تعو نطبق أم السياسات:

الأرض المحروقة والمخروبة

ما النصر إلا عمل ونضال وصبر ساعات

المجد  والعز بيظل لكم،

ورح تفنى الأكذوبة!

***







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز