سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
بفلوسك .... انتخابات مجلس الشعب المصرى

بفلوسك ياابن الأيه

ح تقب وتصبح بيه

والكل يقوم ويعظم

وتعد يمد ايديه

بفلوسك وانت الخايب

تصبح ياسعادة النايب

وتعبى وتملا زكايب

والكوم ح تحط عليه

بفلوسك انت زعيم

قائد ملهم وحكيم

ان كلت ف يوم برسيم

يتباع العود بجنيه

بفلوسك انت السيد

ونعيد يوم ماتعيد

ونعلق نور ونأيد

وعدوك ندعى عليه

بفلوسك تفتح مول

والباب ان كان مقفول

وتنول من غير ماتقول

اللى انت رسمت عليه

بفلوسك ياللا ياباشا

الهط دى الفتة بغاشة

ونحاسبك كلا وحاشا

أومال مترشح ليه







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز