سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
زى النهارده

 

خليكى يامصر فاكره

أحلى وأجمل نهار

كان يوم زى النهارده

من شهر الأنتصار

أكتوبر يوم ماعدا

ابنك وخد بالتار

خليكى يامصر فاكره

يوم لبينا الندا

ونشيد الله أكبر

سهم ف صدر العدا

شقينا الموج بدراعنا

عدينا ماحد منعنا

ودعنا العار ودعنا

وبقينا صحيح أحرار

خليكى يامصر فاكره

حنا وعبد السلام

شباب بالعمر ضحى

من غير مايقول بكام

اتحدى النار ماهمه

رد جميلك بدمه

عشانك مانتى أمه

وف حضنك كان له دار

خليكى يامصر فاكره

وقفة كل العرب

رجاله ويد واحده

فى النصر اللى انكتب

لحظة وطال انتظارها

أمة وأخدت بتارها

أمة وكان انتصارها

أعظم رد اعتبار







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز