سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
ملحمة العبور

الصبر طيب قلنا نصبر

لكن ياعينى الصبر طال

واليأس عاش جوانا يكبر

والأمل أصبح محال

وفى القلوب الحزن عمّر

وع الشفايف 100 سؤال

ياهلترى .. ممكن .. ح نقدر

ح نعدى فى يوم القنال

واللى راح معقول ح يرجع

وللا دا صعب المنال

......................

قالوا خلاص مصر انتهت

والدرس كان قاسى وعسير

لليأس قالوا استسلمت

افرح ياموشى انت ومائير

قالوا الجنون لو فكرت

تتحدى بارليف الخطير

قالوا الدمار ح يكون لها

ولأهلها بئس المصير

وف حقنا وف حقها

كان الكلام علقم مرير

......................

أنا قلت لما الضغط يكتر

ضرورى يحصل انفجار

والليل ساعاته مهما تطّول

لابد يطلع له نهار

ولما الحليم يثور ويغضب

تتحول النظره لشرار

واللى دايما يقول يارب

سكته تفضل عمار

والمصرى لما يقول ياحرب

يرجع وجايب الانتصار

........................

وف اكتوبر وقف الأسمر

وقف الثائر ابن الريف

بكل شجاعه شاور أشّر

ياللا انقضوا على بارليف

ياللا يامصرى اقهر دمر

هد وحطم بلا تكليف

دوت صيحة الله أكبر

شقت جوف السما كالسيف

خلت فكر العدو يتخدر

وصار النصر لمصر حليف

..........................

خبر العبور كان صدمه

ذهلت عقول الأمريكان

والعالم قال فى دهشه

دا مكنش فى الحسبان

سألوا ديان فى جلسه

ازاى حصل دا وكان

ازاى دا كله يجرى

وكنتوا فين ياديان

قال تعمل ايه الدفه

وهى فى ايد غرقان

........................

وبكل الوفا وبكل الحب

بضمير صافى مايعرف كدب

بهدى سلامى لأعظم شعب

ست وراجل بنت وشاب

وقت المحنه اتحدوا الصعب

صبروا وصلوا وقالوا يارب

كانوا ايد واحده عقل وقلب

ويا الجيش على نفس الدرب

حلفوا مايهدا ويرتاح جنب

الا اذا راح وانزاح الكرب

<SPAN style="LINE-HEIGHT: 115%; FONT-FAMILY: 'Arial','sans-serif'; COLOR: black; FONT-SIZE: 24pt; mso-ascii-font-family: Calibri; mso-ascii-theme-font: minor-latin; mso-hansi-font-fa







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز