سامي النويهى
samyelnewihy@hotmail.com
Blog Contributor since:
10 December 2009

كاتب وشاعر مصري مقيم في مصر

 More articles 


Arab Times Blogs
المصرى الجامد ( قصيدة بالعامية المصرية)

المصرى الجامد على حق

للعيشه بحالها يقول لأ

ماهو كل الدنيا على دماغه

مقلوبه ونازله عليه دق

المصرى المغلوب على أمره

من ادفو لزفتو لميت غمرو

تعبان ومهاود طول عمره

وصوابعه حطها فى الشق

المصرى الكادح ع الفاضى

متمرمط بقليله وراضى

وبيحلم م القرن الماضى

وفاضل له سنتين ويطق

المصرى اللى حكايته حكايه

غرقان بيشد ف قشايه

وبتاكل أكله الحدايه

وياويله فى الحق ان مق

المصرى الصابر على حاله

مش خايف الا على عياله

ح يسيبهم بالموت ان جاله

يتهانوا على كل مدق

المصرى من مبدأ قومته

بيعانى من ظلم حكومته

الميت متهنى ف نومته

والعايش عايش بالذق







تصميم عرب تايمز .... جميع الحقوق محفوظة
المقالات المنشورة ارسلت الى عرب تايمز من قبل الكاتب وهي تعبر عن رأي الكاتب ولا تعبر بالضرورة عن رأي عرب تايمز