From : T R <tawfiq53@hotmail.com
Sent : Wednesday, December 8, 2004 10:17 AM
To : arabtimesnewspaper@hotmail.com
Subject : قصــيدة : عم بِحكوا فيه إنتخابات
 

أهداء :

أهدي هذه القصيدة إلى كل الشرفاء من أبناء شعبي في فلسطين الحبيبة.." ولتجعلوا يا ابناء شعبي من يوم الانتخابات ذكرى لدق المسمارالأخير في نعش هذه السلطة القذرة ،وفي نعش زمرة أوسلو وأفّاقيها الذين "مرمطوا وشرشحوا القضية" ، وباعوها بأرخص الأثمان".

عم بِحكوا فيه انتخابات
شعر : توفيق رحايمة
خاص بعرب تايمز

عم بحكوا فيه انتخابات
وانا عارف إنها إشاعات
كيف نصدق هيك زُعران
باعوا بلدهم للشيطان
وعلّوا قصور وعمارات
وبأريحا كازينوهات
ونسيوا دموع الأمهات
ودم الشهدا والشهيدات
و عم بحكوا فيه انتخابات

هَيهُم بحكوا إنها نزيهة
وانا متأكد إنها سفيهة
رح تتزوّر
ورح تتغيّر
رح تتبدل
ورح تتفصّل
على قياس البيك عباس
وناوي يطير مليون راس
ولو احتجت كل الناس
على روسهم رح ينداس ...

ما رح نسكت ولا بنهادِن
لا .. لبو قََََرعة ، ولا..لبو مازن
وعَجْهنّم كل الأَبَوات
وعم بحكوا فيه انتخابات

كلمة نصيحة
بَقولْها صريحة
إرفع صوتك يا بن بلادي
وِجْبالك تسمع والوادي
زمرة أوسلو إبعد عنهم
وليل نهار ظـَلّك إلعنهم
باعوا أرضك
باعوا عرضك
شِرْش الحيا طَقْ فيهم
فلوس الدنيا ما بتكفيهم
باعوا شرفهم لَشارون
ولليهود شَلَحوا الكلسون
تِربايِة أبو شلاطيف
ما فيهم واحد شريف
نضالهم في الكباريهات
سكرانين وسكرانات
بس شَمِّمْهم دولارات
بتسمع أحلى الشعارات
وعم بحكوا فيه انتخابات

وين انتو يا شرفا بلادي
صار لي سنين بصرخ وبَنادي
ليش ساكتين على ذل السلطة
وليش راكعين لَزْلام ابو حَطّة
وفي باريس اجت له الجلطة
وأموالكم ضاعت عَوَنْطة
بين سهى والأبضايات
وعم بحكوا فيه انتخابات

مهما خسرنا مش رح نسكت
ولازم للشرفاء نصوِّت..
وللمناضل إعطي صوتك
على راس السلطة دوس بِ بُوتَك
ولا يهمك من شعاراتهم
وأفلامهم ومسرحياتهم
وشبعنا خُطب وشعارات
ومن ساعة ما حَكَم عرفات
ما شُفنا غير النكبات
وعم بحكوا فيه انتخابات