|
From : sami shalati
samishalati@yahoo.co.uk
Sent : Tuesday, April 12, 2005 8:25 PM
To : arabtimesnewspaper@hotmail.com
Subject : حركة "خريتها" السورية للمطالبة ببعض الحرية
الاستاذ اسامة فوزي المحترم
تحية عربية و بعد
بعدما قرأت المقالتين المنشورتين عن حركتي قبعت و كبعت الاردنية و الفلسطينية,
قلت في نفسي ما حدا احسن من حدا, تفجرت فيني مشاعر الغيرة على الوطن و فكرت
لماذا لا ادعو لتأسيس حركة "خريتا" او "خريتها" السورية و لتكون حركة شعارها
"ارفع ايدك يا بشار, ارفع ايدك يا بشار, نزّل ايدك خريتا نزّل ايدك خريتا"
و هذا هتاف مشهور في اوساط السرسرية و الزعران الشوام هدفه " التأفيل"
"الانغلة" او "السخرية" من شخص ما بقول انه "خرّاها" او زودها شوي
على أمل ان يؤازرني بعض الغيروني على الوطن الحبيب بالمشاركة في الحركة
للمطالبة بقليل من حقوق الحيوان, بلاش حقوق الانسان من اول الطريق خلينا نكون
منطقيين شوي احسن ما "نخريها" نحنا
معليش يا شباب و عذرا منكون حاولت اكتب بالعربي الفصحى لحرصي الشديد على ان
يقدر اشقائنا في شتى بقاع الوطن العربي الحبيب على قرائتها و فهمها قدر
المستطاع لأني بعرف اني لو حأكت بالعربي السوري العامي الفصحى لح احصر عدد يلي
ح يفهمو عليي شو عم خبص لعدد أليل
الرجاء عدم نشر اسمي و عنواني الالتكتروني من مبدأ انو الباب يلي بيجيك منو
الريح, سدو و استريح
و لكم فائق التقدير و الشكر
ع فكرة انا من كبار معجبيك استاذ اسامة و بستنا مقالاتك بالوحدة و كنت متمني لو
بيصرلك شوية وئت تكمللنا كتابة مقالات من مذكرات شاهد عيان يلي كنت عم تعمل
فيها مقارنة بين البلاد الراقية و البلاد المتخلفة |