|
From :
Sent : Friday, May 20, 2005 10:41 AM
To :
arabtimesnewspaper@hotmail.com
رد على الدكتور منصور
يقول استاذنا الكبير
شيخ المعتدلين فى سورية – الشيخ البوطى – هو المسئول عن تجهيز الشباب واعداده
لتقبل الفكر السلفى، وقد فعل هذا بنجاح ساحق خدع به دولة المخابرات البعثية
العلوية النصيرية ووضعها فى مأزق
دكتور منصور انا عازمك ع كاسة شاي اكرك عجم تعا نفكر شوي ونصفن بها الفكرة اللي
عم تحكيها
موضوع البوطي لن أناقشك فيه فهو اسم ع مسمى
اولا المتضررين من العمليات الانتحارية على جوامع الشيعة غالبا مايستخدموا
عبارة بعثي-سلفي وأحيانا يدمجوها بكلمة واحدة بعثيسلفي يعني بعثيسني بكلام آخر
يمكن صياغة المعادلة التالية
بعثي=سني (سلفي) (1)
أما المتضررين من النظام السوري فيصفوه كحضرتك بدولة
البعث العلوية النصيرية يعني صار بإمكاننا نصيغ المعادلة البسيطة التالية
بعثي=علوي (نصيري) (2)
الآن بحذف "بعثي" من المعادلة الأولى على الطريقة السلوادية وتعويضها في
المعادلة الثانية نحصل على المعادلة العجيبة التالية
سني (سلفي)=علوي (نصيري) !!!! (3)
هذا ما يدعى بالرياضيات ب "المتناقضة" وهي مقبولة بالرياضيات ولكن في الفيزياء
ظهور المتناقضة يدل على انو صديقنا الباحث "حمار حبتين" في تشخيص الظاهرة.
بنجي على الفكرة الأهم واتمنى أن تتقبل الخبر التالي : وهو أنني علوي والحمد
لله (الذي لا يحمد على مكروه سواه...روح منشان ماتزعل)
يعني أنا شو ذنبي إذا جيت ع هالدني علوي ..لم ارى كتاب في بيتنا سوى القرآن و
أول آية حفظني اياها ابي هي" قل هو الله أحد.."
بعدين بتفاجأ انو السيد طنطاوي يفتي بتكفيرنا ويحلل دمنا... ولك طول بالك
يازلمي اذا انا مرتد ف مرتد عن شو ؟ ما انا خالق هيك روح دور ع اللي ارتد
وحاسبه...
بحب قول انو البنت عنا ما بتلبس حجاب بس ما بينقصها العفة والي بيخيس شب او بنت
يصبح متل الشحاطة" بين الناس.
فيه ناس بتتهمنا بشرب الخمر : يا اخي الخمر محرم وفيك تحلف انو لا يوجد سني شرب
الخمر او فيك تحلف انو مافيه علوي إلا و يشرب الخمر وإذا بتحلف رح تكذب لانو
انا لم ولن اشرب الخمر بحياتي
بنجي ع الفكرة الأكثر أهمية أنت علوي ومتخرج من الجامعة إلك 10سنين وماصص دم
أبوك حتى متخرج ياترى إذا شي يوم وأنت عم تشرب "متة" ومجعوظ وما قدر عقلك
الباطن يضبط , وطلع منك ها الجملة "كس اخت هيك بلد" بتعرف يا سيد منصور ياعلوي
ياللي نمرة إجرك 42 شو رح تصير بعد نص ساعة:57 (عرفت ليش أنا شاطر بالحساب
كتير)...
بعدين لنفرض انو الرب رضي عليك وتوظفت وصار راتبك ما يعادل ال 100$ بالشهر ابسط
ياعم اول شغلة رح تعمل حفلة كنافة لرفقاتك بتكلفك رواتب 3 اشهر سلف بعدين بيصير
قلبك يعمل "هق-بق" وبتتجوز
وبيصير عندك 3 اولاد"اسرة عصرية" يعني بطلع للفردة بالشهر ما يعادل ال 20$.
الآن إلى تمرين الوظيفة : أنت ياسيد منصور عايش بأمريكا بكرى ياريت تراقبلي أية
سيدة عم تشتري علب أكل للكلاب وتحطا بعربة التبضع ياريت تحفظ شكل العلبة وسعرها
وتحسب المجموع رح يطلع معك انو الكلب بامريكا بياكل بالاسبوع ما يعيل عائلة
علوية من خمس افراد لشهر كامل والمعيل موظف "متبهنك
الآن إلى الجزء التاني من الوظيفة : ياريت تتعرف ع ها الكلب اللي عم يستهلك
أكتر من 100$ بالاسبوع وتتفضلوا لعنا زيارة ورح نطعمكم من أوساط ما نطعم أهلنا
وياريت تراقبلي سلوك صديقك ورح راهنك أنو رح يتعلم العض من أول ثلاثة أيام
المشكلة بسوريا انو السني بيقول أنا عم آكل هوى لأني سني والكردي بيقول أنا عم
آكل هوى لأني كردي وهلق ليش العلوي النصيري عم ياكل هوى بالدولة العلوية
النصيرية هادا الشق التالت من الوظيفة
توت عنخ آنون
إعراب"توت عنخ آنون"
توت عنخ: جملة زائدة لامعنا لها
آنون: تعني
unknown
وياريت يكون عنواني الاكتروني أيضا آنون"محجوب" تلافيا للخازوق ليس إلا |