From : tawfiq53@hotmail.com
Sent : Tuesday, June 21, 2005 9:10 PM
To : arabtimesnewspaper@hotmail.com
Subject : بدنا نحرر فلسطين

 

بدنا نحرر فلسطين
*************
شعر: توفيق رحايمة
**************

بدنا نحرر فلسطين
كلمة بنسمعها من سنين
وبترددها الملايين
في الوطن العربي المسكين
وشفنا ثورجية كثار
من الكبار ومن الصغار
وكل واحد بفتح مزاد
هو في واد وشعبه في واد
وبهلكنا بخطب وشعارات
ترددها كل الاذاعات
وكلامه مليان اغلاط
ووعوده ظراط في ظراط
وبيجي بعده ثوري مشلط
من اول يوم ببدى يخطط
بدو يحرر
بدو يدمر
ومرة بهدد
ومرة بندد
ومرة ببكي بدمع العين
بدو يحرر فلسطين
*******************
ومن أيام جدي وجدك
وهالجيوش ما بتتحرك
لا شمال ولا يمين
ونسيو طريقك يا فلسطين
شو ناقصكم يا اخوان
حتى تحرروا الاوطان
مش ناقصكم ثروة ومال
ولا ناقصكم عزم رجال
ورجالكم ما شالله أبطال
صرختهم بتهز جبال
ناقصكم قوة ووحدة
وتتحدوا بوقت الشدة
وتكون كلمتكم واحدة
وساعتها كل الشعوب
بتحميكم جوة القلوب
وبيظهر انكم منتظرين
تايظهر صلاح الدين
وييجي يحرر فلسطين
*************

ولا تستغرب يا غلبان
لو يوم سمعت بيان
من واحد من هالزعران
ثوار تونس ولبنان
اللي رِجْعوا للأوطان
زي أبو مازن أو دحلان
لا تستغرب
ولا تتعجب
مهما تسمع من شعارات
من شلة هالأبضايات
من بيانات وتصريحات

إلكم الله يا مساكين
إلكم الله يا لاجئين
وهالزعيم اللي شفتوه
وهالأبضاي اللي سمعتوه
طلع شارب له كاسين
وبدو يحرر فلسطين