From : nadeemkiswani@hotmail.com
Sent : Friday, March 24, 2006 1:09 AM
To : arabtimesnewspaper@hotmail.com
Subject : من باب حريه الفكر وفبركة القوانين
 


من باب حريه الفكر وفبركة القوانين
نديم كسواني
 




انا مش عارف كيف.؟ اتربى في بريطانيا وبعد ما صار ملك علينا قلنا جابها الله واجت هذا ملك حتى العربي ما بعرف يحكيه زي الناس اكيد رايح اخلينا انعيش مثل الشعب البريطاني حريه ديمقراطيه من غير فساد ولا مفسدين لا كن يا حسره الفرحه ما دامت اجا وتربع على العرش وما جاب النا اشي من قوانين بريطانيا الدوله الام لجلالة الملك من هيك فقعت مرارتي وقلت بدي اسئل جلالته.

بالله عليك يا جلاله الملك في انسان في بريطنيا ما بقدم اقرار ذمه كل سنه مره حتى ملكة بريطانيا واعضاء مجلسي اللوردات والنواب اذا بتاخر واحد منهم وما بقدم الاقرار في موعده المحدد بدفعوا غرامه ولا انا غلطان .؟

بالله عليك يا جلاله الملك انت راضي على القانون اللي بطالبوا فيه اعضاء مجلس الاعيان ألي انت عينتهم واعضاء مجلس الامه اللي دخولوا على المجلس بالتزوير المباشر.؟

القانون الي بيطالب ان يعفى أعيان ونواب الاردن من تقديم اقرار ذمه لحصر لممتلكاتهم. هل هناك ما يمنع من ان يقروا امام الشعب عن حجم ثرواتهم ومصادرها كي تتمكن اجهزة الدوله من تحصيل الضرائب المترتبه على ذلك .

هل هناك ما يمنع جلالتكم من المطالبه بايقاف الفساد المستشري في الاردن.

يا جلالة الملك ما هو الفرق بين العين والنائب من جه وأي مواطن اردني اخر في نظركم .هل اجد عند جلالتكم الجواب هل من مجيب .؟

يا جلاله الملك.

اذا كان اعضاء مجلس الاعيان والنواب ما بدهم يقدموا تقرير إشهار ذمه عن ممتلكاتهم في داخل وخارج المملكه مين اللي لازم يقدم.؟ الفقير اللي مش لاقي يوكل.! ما هي الاردن كلها نواب واعيان وباشاوات و وزراء ورؤساء وزارات . هو ظل اخو شرموطه ما صار نائب ولا عين في الاردن؟. الشعب كلو قردين وحارس الله يطرح فيهم البركه وكلهم اعيان ونواب اذا هذول ما قدموا اقرار بالذمه اذا هذول ما حافظوا على البلد وما دفعوا ضرايب وما حاربوا الفساد والرشوه وما بطلوا يتقاضوا عمولات على قوت الشعب والادويه المستورد من الخارج والداخل والعمولات كثيره لان الاردن ما شاء الله بستورد كل اشي من الطياره للدبوس اذا هذول ما اعترفوا امام الشعب من وين اجتهم كل هذه الاموال اللي ما بتوكلها النار كيف البلد بدها اتعيش بامن وسلام وعدل.؟ بس انا بارجع وبقول هيك مزبطه بدها هيك ختم . الشعب اللي راضي على نفسوا ايموت من الجوع وبسلم رقبته لهيك نواب واعيان بستاهل كل اللي بجراله منهم.

إمتى بنصير دوله محترمه وشعب محترم ونواب واعيان محترمين .؟

نائبه رئيس وزراء السويد واثناء زيارتها لاحدى الدول الافرريقيه تجولت في اسواقها وهناك اعجبها فستان حسابها الشخصي كان فاضي كانت مفلسه رغم انها استلمت وزاره لاكثر من عشرين سنه ولا تزال مفلسه حتى الان. المهم يومها ما كان معها ثمن الفستان إلي فعلا اعجبها. الهبله راحت دفعت ثمنه من الفيزا كرت الحكومي اللي كان معاها ولما رجعت الى السويد سددت الفاتوره لخزينة الدوله بعد ما استلمت راتبهامباشره . بعد سنه كامله اكتشف محاسب الوزاره تصرفها المشين وبلغ عنها الصحافه وطردوها من الوزاره لانها واستعملت كرت الحكومه لشراء اشياء خاصه. طردوها رغم انها دفعت ثمنه ورغم معرفتهم بحالتها الماديه اللي ماكله خره . على فكره الفستان ثمنه كان اقل من خمسين

دولار .

امتى بدكم تصحوا يا شعب نايم في الوحل ايمتا بدكم اتصيروا بشر .؟

مجموعه نواب سويديين كانوا في زياره رسميه لاحدى الدول وفي وقت فراغهم دخلو مطعم يتعشوا تبرع واحد من الدوله المضيفه ودفع عنهم فاتوره العشاء. ولانهم ما بلغوا بعد عدتهم انهم كانوا معزومين صرف لهم المحاسب كامل مستحقاتهم ولما اكتشف انهم اتعشوا ببلاش وما بلغوا المحساب حتى يخصم ثمن العشاء من مستحقاتهم طردوهم من المجلس.

نائب اخر تاخر في تقديم اقرار الذمه لاكثر من شهر عن الموعدد المحدد فكان نصيبه الطرد من المجلس.

حضرة الاعيان المحترمين والنواب الافاضل في المملكه الاردنيه الهاشميه بهنيكم من كل قلبي انكم قدرتوا اتفصلوا القوانين على مقاسكم ولخدمة مصالحكم الشخصيه بس. دشروكم من المثاليات اللي انا بعيش فيها وخليكم على ما انتو عليه بلا ديمقراطيه بلا هم. البطاله اليوم اربعين في الميه ليش ما اتخلوها 100% وخلي اعتمادكم على العماله الاجنيبيه لانها فعلا ارخص . بس بشرط انكم اتزيدوا عدد المناسف في الانتخابات في المره القادمه حتى الكلاب تشبع . وخلوا العشاير مشغوله بالثارات. حتى لو انجبرتو اتحركوا قوات الامن العام والجيش وخاصه الجيش إلي هو وقلتو سوى بدل ما ايظل إيكش ذبان في الثكنات وفي هيك بتلاقولهم شغل وبتقللوا نسبة الاصابه بالايدز بين افراد ربع الكفاف الحمر والعقل مياله.

خليكم سياسيين محترفين خلوا الطراونه ضد الحباشيه بني صخر ضد بني حسن

بني زيد ضد بني عبيد المفرق ضد اربد والسلط ضد جرش والعقبه ضد معن والطفيله ضد ناعور وخلو الحابل يدق في النابل وخلو كل مين ايده اله.

كل ما كانت العشاير مشغوله بالثارات كل ما صار معاكم فلوس اكثر. ويا ريت لو إتسكروا المصانع وتمنعوا الزراعه وتعيشوا الشعب علي الاستيراد فقط لانوا البضاعه المستورده تتمتع بجوده افضل من المحلي ما شفتوا كيف الشعب التهم الطحين بفيرانو ما اهتم لانوا نسبه الفيران ما زادت عن 10% وكانوا فرحانين لانهم اكلوا خبز باللحمه بدون ما يدفعوا ثمن اللحمه. وبهيك بتزيد نسية العموله من الاستيراد. خلي الشعب يتعود على التنبله. فلسوه لا اتخلو أخو شرموطه معاه ملين واحد خليهم ايفكروا بس بالاكل والشرب لانوا هذا الشعب لو شبع بصير يفكر في السياسه. وانتو مش ناقصكم وجع راس . وفقكم الله.