From :oohpooo@yahoo.com
Sent : Wednesday, August 2, 2006 6:23 AM
To : arabtimesnewspaper@hotmail.com
Subject : :"الأردن أولا غصبن عن رب ربكوا

اليوم, وكرد فعل على ما قام به العالم في قانا امس, قام مجموعة من الطلاب بمظاهرة داخل الجامعة الاردنية, كانت المظاهرة بتنظيم من الاتجاه الاسلامي بالجامعة ولم يتجاوز عدد المشاركين مئة شاب و مئة فتاة, ظهرت هزيلة و متواضعة امام ما كان يجب ان يحدث بان يخرج الاردنيون كلهم لادانة الفظاعة الصهيونية, وللمطالبة بردة فعل على قد الحدث, يعني على راي ناصر جودة امبارح: "نحن لن نقوم بشكليات مثل سحب السفير من تل ابيب او اغلاق السفارة, لا, رح ندين اللي صار بكل قوة, ورح يكثف اتصالاتو عشان ما حدا يتهمنا بانو ما عملنا اشي وانو كل اللي بنعملو شكليات" المهم ان المظاهرة كانت محزنة, بكل معنى الكلمة, ليس فقط لتواضع المشاركة ولكن بسبب ما حدث من قبل الامن وبعض العناصر "المندسة" , انتهت المظاهرة طبعا بهوشة كبيرة بين العناصر المندسة محميين من الامن الجامعي ضد شيوخ الاتجاه, يعني اكم قنوة على اكم حزام ضد اكم شيخ مجاهد, الاتجاه بقول الله اكبر نحنا فداء لبنان و فلسطين, والامن بقول بلعن دينكم والاردن اولا

حدث هذا على الباب الرئيسي للجامعة, وبالخارج كان هناك تواجد كبير لقوات مكافحة الشغب والامن العام,على اهبة الاستعداد "لهري" المتظاهرين, المثير للخجل حقيقة هو عناصر الامن الجامعي, يعني انك تقولي خايف على الامن وعلى المرافق العامة بفهمها, مع انو الاسلاميين ما رح يخربو ولا يعملو اشي على الاكيد, بس انك تتفلت زي ولاد الشوارع وبايدك قنوة وانتا عنصر امن وتصرخ زي المجنون :"الاردن اولا غصبن عن رب ربكوا!" اي والله عيب على هيك جامعة وعلى هيك امن